पंचम महतो
मेटरिक परिछा में पास भैल से कुछ छवुवइन आसिरबाद लिए दादुक पास आइल हथ एक पाकिट मिठाइ लइ के. गोड छुला मिठाई देला आर कहला. दादु. तोहर किरपें हामनी पास भेलों. आबरी आगुक डहर देख. दादु सोभेक मुंह मिठा करवल. खूब असिस देल आर कहल. तोहनी खुब तरकि करा आगु बाढा. मेनेक हामर दु गो बात गांइठ बांइध लिहा. एगो मेहनइत आर दोसर ईमानदारी. कोनो काम के छोट खांट नांय बुझिहा, आर सफल भइ के अहंकार नांय करिहा.
छवुवइन जइम के बइस गेला. दादु फूरछवे खातिर कहे लागल. ऐगो सेठ हले. ईमान दार आर भल मानुस। धरमिसटि. धरम आर सेवाक कामे लागल रहतल. तकर ऐगो रासन दोकान चल हल. सुचा आर खांटी सामान राखतल आर उचित दामें बेंचतल. दोकान जमल हल. गहकिया बांधाइल हला. आंइख मुंइद के सौदा करथ.
ऐगो अधबइसु मेहरारु तेकर घरे ठांइ बासन करे आवो हली. मरद बेमार हल. बेटा हाई स्कूल में पढो हल. ओकाइत भइर खरच कइर खुनो मरद के बंचवे नांय पारली. रिनेक बोझें चांपाइल आर आबरी भोज काजेक फेंचाइ. सेठेक पासे गुहार करली. सेठ दुख देइख के जेटा मांगली दइ देल. काज करम पार भेल मेनेक से धार उधाइरें फांइस गेली. बेटाक पढाइ छुइट गेल. कामेक टोआने टोवाय बुले. सेठ दया कइर के दोकाने राइख लेल. तकर नाम धीरु. धीरू रिनेक बोझें हल आबरी सेठेक उपकारेक बोझे चांताइ गेल. खुब मेहनइत करे थिरू धिरे धिरे काम सिख गेल. बिहानी सफाई सुथरा दिने दोकान दारी संझियें चकि समहरवे. सेठ ओकर कामे खुस हल. ईमान दारी मे कोनो बाटा नांय. दोकान ओकर भोरोसांय छोडे लागल. ऊधार माफ कइर महिने महिने पगार देय.
ऐहे समय ऐगो अघटन घइट गेल. सेठ कहुं जा हल तो ओकर गाडी पलइट गेलइ. सेठेक डांडा टुइट गेल सेठानीक ऐक आंइख फुइट गेल. ढेरे तर तदारक ऐलाज करवल बादहुं चले बुले मे आलाचार. बेटा सोब बाहरें आपन आपन कामें बाझल हथ. धिरूक काम बाइढ गेल हे. दावाइ बिरो सेवा तादारक से दोकान दारी तक सोब ओकरे जिमे. धिरू सोब, दाइत के पुरा करे.
ऐखन दोकान कइसे चलत, से ढेर भाइब गुइन के दोकान धिरु के सोंइप झेला. धिरु दोकान कै मालिक धिरें धिरें सेठ बइन गेल. आपन सोब दाइत के मेहनइत आर ईमान दारी से पुरवे. से लेल केहे पारों, ईमान दारी घाटाक सौदा नखै.
आर ऐगो सुन….पुरना दिनेक अरब देसेक बात लागे। ऐगो रईस सेख ऐगो गुलाम किन आनल आर साफ सफाइ, खेत बारी मे भीडाइ देल. से खुब मेहनइत आर तइसने ईमान दारी से काम करे. थोडके दिने घर आंगना के चमकाइ देल. खेत बागान के साजाइ देल. सेख खुस भइ के बर बाजार करेक भार सोंपल. सरभेंट कवाटर से भितरें रुम देल. वइसने काम करइत रहे आर पद आर घरे कद बाढइत रहल. देइख के कुछ दरबारी सोब के ईरसा हवे लागल. ओकरां गिरवेक चेसटा करे लागला. सेखेक पासें सिकाइत करथ मेनेक तकर बिसवास हल. नांय सुने.
से गुलाम टांक ऐगो नित दिनेक काम हले. बिहाने ऐक बइर सय सरभेंट कवाटर में जितल, ओकरां खोलतल भीतर ढुकतल आर फइर ताला लागाइ के घुइर अइतल. लोके सोंचला, चोरी करे हे. सिकाइत करला मेनेक सेख सुनबे नांय करे. ओकर बिसवास हल. मेनेक रोज दिन के सिकाइत से एक बाइर देखे खोजल. ओडाइ के देखल ऊ कि करे हे.
आइज जखन उ गेल घर खोलल तो दरबारी सोब सेख के लई के होबइड गेला. आर पुछला कि चोरवे हें देखाव. से. बेचारा सिहइर गेल. नांय हुजुर कुछ नांय. तो देखाव. हुजुर हामर ईजईत के सावाल हे, देखेक जीद नांय करा मालीक. सेखेक सक आरों बाइढ गेल कहल तोरां देखवे हतो. तो तालवा खोलल भितरें ऐगो पुरना टीनेक बाकसा हल सेटाक भीतरे दूगो मईलाइल झोलाइल पुरना लुगा हल, आर कुछ नांय. सेख देइख के दंग भइइ पुछल, ईटा कि बुझाव. से कहल हुजुर जखन हामरां आनंल हलहे तखन ऐहे नरक में हाम हलो आर जखन तोहें हामरां किरपा कइर सरगें राखल हा तो से दिन टा मने राखे खातिर हाम आवइत रहों. ताकि तोहर एहसान टा बुझे पारब. आर हामर मने गुमान नांय हवे. सेख सुइन के अभिभुत भई गेल आर ओकर दरजा आरहों बाढाइ देल. से लेल बेस दिन पाइ के पुरना दुखेक दिन टा भुलेक नांय चाही. मेहनइति आर ईमान दारिक गूर सुइन के छउवा सोब नेहाल भइ गेला आर दादुक गोड छुइ के घुइर अइला.